Ciidanka Xoogga Dalka oo 12-Maleeshiyaad ah ku dilay degaanno Hoos yimaado Janaale “SAWIRRO”

Howlgalkani ciidanka xoogga dalka ay ka sameeyeen tuulooyinka Buulo Urunji, Malable, Siigaale iyo Busleey, oo hoos yimaado degaanaka Janaale ee Gobolka Shabeelaha Hoose  ayay ku qaarijiyeen 12 maleeshiyaad ah oo ka tirsan argagixisada Al-Shabaab, kuwaasi oo ku dhuumaaleeysanayay degaanadaasi.

Howlgalka ayaa yimid kaddib markii ciidanka ay ka war heleen in maleeshiyaadka argagixisada ay ku dhuumaaleeysanayaan beero dad shacab ah ay leeyihiin oo ku yaala degaannadaasi.

Madaxa howlgalinta Ururka 84aad ee Xoogga Dalka Laba Xidigle Saciid Xuseen ayaa Idaacadda Ciidamadda Qalabka Sida u sheegay  in maleeshiyaadka argagixisada ay gaarsiiyeen Jab xoogan isla markaana ay soo bandhigayaan cadaymo muujinaya qasaaraha ay ciidanka xoogga gaarsiiyeen Nabad diidka Al-Shabaab.

Labo Xiddigle Saciid Xuseen ayaa intaa ku daray in degaanka Janaale iyo tuulooyinka hoos yimaada ay ciidanka habeen maalin howlgalo ka fuliyaan si ay uga hor tagaan dhagarkasta oo ay soo maaleegaan cadawga.

LEAVE A REPLY

Please enter your comment!
Please enter your name here