Ciidanka Xoogga dalka oo bur buriyay gaadiid Al-Shabaab ka soo buuxiyeen walxaha Qarxa

Ciidanka kumaandooska Xoogga dalka ee Danab oo shalay argagixisada ka saaray deegaanka Janaay-cabdale oo qiyaastii magaalada kismaayo 60 km u jirta ayaa waxay wadaan howlgalo ay kubaacsanayaan maleeshiyaadka firxadka argagixisada Al-shabaab, islamarkaasna ay ku xaqiijinyaan ammaanka deegaankaasi.

ciidanka kumaandooska ayaa ka war helay gaari susuuki ah midabkiisuna yahay Madoow oo Al-shabaab kasoo buuxiyeen Walxaha qarxa, islamarkaasna doonayeen ineey ku waxyeeleeyaan shacabka ku dhaqan magaalada kismaayo ciidanka ayaa halkii uun yaalay oo ay deegaanka janaay cabdale kubur-buriyey.

Sidoo kale, Gaari Hoomeey oo isna qaraxyo lagu soo raray ayay ku qabteen duleedka deegaanka Janaay-cabdale islabartiisa ayay ku bur-buriyeen.

Wariyaha Idaacadda Ciidamadda Qalabka Sida ee Qeybta 43-aad Xoogga Dalka Shirwac Cumar Baaruush oo howlgalka qeyb ka ah ayaa sheegay in gaadiidka bur-burintooda ay sahashay wada shaqeynta ciidanka Xoogga dalka iyo dadka deegaanka oo laga dul qaaday culeyskii kooxda argagixisada Al-shabaab.

Shirwac ayaa kusoo waramaya in ciidanka shalay ilaa maanta deegaanka janaay-cabdale kasoo saareen 18 miino oo Al-shabaab ay kusoo aaseen wadooyinka, wuxuuna intaasi ku daray in argagixisada markii ay deegaanka ka cararayeen ay qarxiyeen ceelbiyoodkii dadka deegaanka ay isticmaalayeen.

LEAVE A REPLY

Please enter your comment!
Please enter your name here