Ciidanka xoogga Dalka oo dilay horjoogayaal ka tirsanaa Al-Shabaab

Ciidanka Xoogga dalka Soomaaliyeed oo ay taageerayaan kuwa maamulka koonfur galbeed ayaa dilay maalin ka hor Shan xubnood oo katirsanaa Al-Shabaab, ka dib howlgal ka dhacay duleedka Magaalada Diinsoor ee gobolka Baay.

Ibraahim Aaden Cali, oo ka tirsan saraakiisha hoggaamineysay howl-galka ayaa wariyaheenna Gobolka Baay u sheegay in ciidamadu ay beegsadeen goob ay malleeshiyada ka qorsheyneysay weerar ka dhan ah ciidamada Dowladda.

Sarkaalkan ayaa sidoo kale sheegay in dagaalka oo ahaa mid culus ay sidoo kale ku dileen laba horjooge oo ka tirsanaa Argagixisada, wuxuuna intaa raaciyay in ay ku raad-joogaan haraadiga iyo firxadka Al-Shabaab.

LEAVE A REPLY

Please enter your comment!
Please enter your name here