Ciidanka xoogga dalka oo gobolka hiiraan ku dilay maleeshiyaad Al-shabaab ka tirsan

Ciidanka xoogga dalka Soomaliya ayaa maanta  howlgallo ka dhan kooxda Argagixisada Alshabaab  ka bilaabay wadada u dhaxeeysa degmooyinka Buulabarde iyo Jalalaqsi halkaas lagu sheegay  maleeyshiyaad ka mid ah Alshabab oo dadka  safarka ah dhib ugu geestaan.
Taliyaha qeybta 27-aad CXDS  Jeneraal Axmed Maxamed Tareedishe iyo saraakil kale oo katirsan Qeybta 27-aad  ee ciidanka xoogga dalka Soomaaliya ayaa sheegay in  ay Khasaare xooggan gaarsiiyeen maleeshiyaadka Argagaxisada al-shabaab kuwaasi oo ku dhuumaaleeysanayay inta udhexeeysay magaalooyinka Buulo-burde iyo Jalalaqsi ee gobolka hiiraan.

Taliyaha guutada 5-aad qeybta 27-aad G/le Sare  Maxamuud Xasan Ibraahim (Baakaay) oo lahadlay warbaahinta qaranka  ayaa sheegay in jab la gaarsiiyay  ka dib markii laga dilay 11- ka mid maleeyshiyadi burcada aheeyd ee caadeeystay dhaca dadka rayadka ah

Degaanka ay ciidanka xoogga dalka ku dileen maleeshaadka al-shabaab ayaa lagu magacaabaa buurweyn oo udhexeeya degmooyinka Buul-burde iyo Jalalaqsi.

LEAVE A REPLY

Please enter your comment!
Please enter your name here