Ciidanka Xoogga Dalka oo howl-gal qorsheysan ku dilay Horjooge Nuug Gaab oo ka tirsanaa Maleeshiyaadka Al-Shabaab

Ciidamada Xoogga Dalka Soomaaliyeed ayaa dilay horjoogihii Al–shabaab u qaabilsanaa deegannada Awdheegle,Mubarak iyo Daarusalaam ee gobolka Shabeellaha Hoose iyo sidoo kale 8-kale oo ka tirsan maleeshiyaadka argagixisada.

Horjoogahan oo magaciisa loo yaqaano Nuug-Gaab ayaa lagu dilay howgal Ciidan oo ka dacay  duleedka degaanka Awdheegle ee gobalka shabeellaha Hoose sida ay Radio Muqdisho u xaqiijiyay Taliska Ciidamada Xoogga Dalka Soomaaliyeed.

Taliyaha Ciidanka Xooga dalka Generaal Odowaa Yuusuf Raage oo wareysi gaar ah siiyay idaacada Qaran ee Radio Muqdisho ayaa yiri waxa ay maanta howl-gal ay ciidanka xooga dalka ka sameeyay shabellaha Hoose ku dileen horjoogihii kooxda nabad-diibka uqabilsanaana deegaannada Awdheegle,Mubarak iyo Daarusalaam ee Shabeellaha Hoose iyo maleeshiyaadka kale oo gaaraya ilaa sideed Ruux.

Ciidmada Xoogga dalka ayaa muddooyinka howl-gallo qorsheyn kawaday qeybo badan oo ka tirsan gobolada dalka waxaana ka mid ah gobolka Shabeellaha Hoose oo ay Ciidamadu kala wareegeen maleeshiyaadka Al-shaab deegaanno iyo degmooyinka ka tirsan gobolka iyagoo sidoo kale qasaaro xooggan gaarsiyay

LEAVE A REPLY

Please enter your comment!
Please enter your name here