Ciidanka Xoogga dalka oo Horjooge ka tirsanaa Maleeshiyada Al-shabaab ku dilay deegaanka Cali Fooldheere (Wareysi)

Wararka naga soo gaaraya Gobolka Shabeellaha dhexe ayaa sheegaya in howlgal ay Ciidamada Xoogga dalka ka sameeyeen deegaanka Cali Fooldheere oo hoos taga degmada Mahadaay ay ku dileen horjoogihii maleeshiyada Al-shabaab u qaabilsanaa deegaanka Cali Fooldheere iyo deegaanada Hoos yimaada.

Taliyaha Ururka 65-aad, guutada 4-aad qeybta 27-aad ee ciidanka Xoogga dalka, Kabtan, Cali Yuusuf Macallin (Cali xuubey) oo wareysi gaar ah siiyay Radio Muqdisho ayaa sheegay in horjoogahaas oo lagu magacaabo Shariif Maxamed Abuukar uu dhibaato xoogan ku haayay shacabka ku nool deegaanka Cali Fooldheere ee Gobolka Shabeellaha dhexe.

Taliyaha ayaa sheegay in askari ka mid ah Ciidanka Xoogga dalka uu howlgalkaan fuliyay,isagoo tilmaamay in horjoogaha oo xilligaas ku sugnaa Saldhiga deegaanka uu ku dilay, maleeshiyadi ilaalada u eheydna  uu dhaawacay.

Halkaan Hoose ka dhageyso Wareysiga Taliyaha

LEAVE A REPLY

Please enter your comment!
Please enter your name here