Ciidanka Xoogga dalka oo howlgal ka dhan ah Maleeshiyada Al-Shabaab ka wada deegaanada Gobolka Mudug

0
1185
Ciidanka Xoogga dalka ayaa howlgal ka dhan ah Maleeshiyada Al-Shabaab waxay ka wadaan deegaanada Cammaaro,Bacaad weyn iyo deegaano kale oo ka tirsan Gobolka Mudug,kuwaasi oo la doonayo in guud ahaan Al-Shabaab lagu ciribtiro.

Taliyaha Ciidanka Xoogga dalka Qeybta 21-aad, Generaal,C/llaahi Aadan Xuseen oo la hadlay Warbaahinta Qaranka ayaa sheegay in hadda howlgalada ay ka socda aagaga Cammaara,Bacaad weyn iyo deegaanada kale ee hoos yimaada,isagoona dhanka kale tilmaamay in xaaladda ay tahay mid degan.

“ Waa howlaheenii caadigaa,waxay hadda howlgalo ka socdaan deegaanada aagaga Cammaaro,Bacaad weyn ilaa iyo lagu dhawaado deegaanada kale ee hoos yimaada,xaaladuna wey degan tahay hadda,” ayuu yiri Taliyaha 21-aad ee Ciidanka Xoogga dalka C/llaahi Aadan Xuseen.

Wuxuu sheegay Taliyaha in Maleeshiyada Al-Shabaab ee ku sugan deegaanadda haatan howlgalada ay ka wadaan iney yihiin burcad lacageed,islamarkaana dadka deegaanka ay carruurta ka afduubaan,xoolahana ka dhacaan loona baahan yahay in si wadajir ah Shacab iyo ciidanba loola dagaalamo.

“Nimankaan Nabad diidka ah waa Burcad lacageed,carruurtey Afduubanayaan oo dadka ay kala dhex baxayaan,Xoollaha ayay ka dhacayaan,lacag baad ah ayay weydiinayaan dhibaatooyinkaasi ayaanu ka hortageynaa Haddii Illaahey yiraahdo,” ayuu yiri Generaal C/llaahi Aadan Xuseen.

Dad badan oo ka soo cararay deegaanada Maleeshiyada Al-Shabaab kaga sugan yihiin Galmudug ayaa hadda maciinsanaya magaalooyinka Dhuusamareeb iyo Cadaado,kuwaasi oo Xoolihii ay lahaayeen ay ka dhaceen Kooxda Nabad diidka ah.

Ciidanka Xoogga dalka ayaa dadaal ugu jira sidii Maleeshiyada Al-Shabaab looga xoreyn lahaa deegaanada fara ku tiriska ee kaga sugan yihiin dalka si Shacabka Soomaaliyeed ugu noolaadaan nabad iyo nolol una heli lahaayeen adeegyada asaasiga ah ay u baahan yihiin.

SHARE

Facebook
Did you like this? Share it:

LEAVE A REPLY

Please enter your comment!
Please enter your name here