Ciidanka Xoogga Dalka oo Howlgal ku Dilay Madaxii Jabhada Nabadiidka Al-Shabaab ee Gobolka Shabellada Hoose

Ciidanka Xoogga Dalka Soomaaliya ayaa howlgal qorsheysan oo ay ka fuliyeen buundada Bariire iyo tuulada Nuungare oo ka tirsan degaanka Bariire waxa ay ku dileen in ka badan 18 maleyshiyaad ah iyo horjoge ka tirsan Al-Shabaab .

Taliyaha ururka 143Aad ee Xoogga Dalka dhamme Axmed Xasan Siyaad oo la hadlay Idaacada Ciidamada ayaa sheegay in howlgakan lagu dilay Horjooge Siidow Nuur Abuu Muxsin iyo 18 kale oo tirsan maleeshiyada Al-Shabaab.

Dhamme Axmed Xasan Siyaad waxa uu sheegay in horjoogaha la dilay uu Al-Shabaab u qaabilsanaa madaxii Jabhadda maleeshiyada Al-Shabaab ee dhanka Gobolka Shabellada Hoose.

LEAVE A REPLY

Please enter your comment!
Please enter your name here