Ciidanka Xoogga Dalka oo howlgalo ka sameeyay Deegaano ka tirsan gobolka Hiiraan

Ciidanka Xooggga dalka Qeybta 27-aad, ayaa howlgal ballaaran oo lagu ciribtirayo argagisada Al shabaab ka fuliyay deegaano ka tirsan gobalka Hiiraan.

Deegaanada howgalka uu hadda ka socdo ayaa waxaa ka mid ah  Deegaanka Aboorey,  Beero-yabal, Wariirey, Galboocale iyo Yasooman, kuwaa oo dhammaantood hoostaga degmada Buulo barde ee gobalka Hiiraan.

Howlgalka ayaa qeyb ka ah howlgalada sida guud Ciidanka Xoogga uga waddaan Hirshabeelle, kaas oo maleeshiyada Al-shabaab looga sifeynayo goobaha ay gobalka kaga dhuumaaleysanayaan.

Taliyaha Qeybta 27-aad ee Ciidanka Xooga dalka General Tareedisho oo Hor kacaya howshaan sifeynta ah ayaa Warbaahinta Qaranka u sheegay in horumar weyn laga sameeyay howlgalki ay Ciidamada fuliyeen.

LEAVE A REPLY

Please enter your comment!
Please enter your name here