Ciidanka xoogga dalka oo iska caabiyey weerar ay Al-shabaab ku qaadeen saldhiga Goof-gaduud.

Ciidamada Xoogga Dalka ayaa iska caabiyay weerar ay  Al-Shabaab  ku qaadeen Saldhig Ciidamadu ay ku leeyiin deegaanka Goof-gaduud ee Gobalka Baay, werarka ayaa ku bilaawday gaari laga soo buuxiyay walxaha qarxa, waxaa xigay qof xiran Jaakadda qaraxyada, kaasoo isna isku qarxiyay banaanka Saldhigga.

Intaas kadib waxaa bilaawday dagaal toos ah oo ay maleeshiyaadka Alshabaab ku doonayeen in ay kula wareegaan saldhigga, hasayeeshee ciidamada ku sugnaa xerada ayaa iska caabiyay oo ka hortagay damicooda.

Tobaneeyo ka tirsan Xagjirka Alshabaab ayaa lagu dilay halka qaar kalana nolosha lagu qabtay.

Taliska Xoogga dalka Soomaaliyeed oo weerarka Alshabaab ka hadlay waxa ay xaqiijiyeen dhimashada laba askari oo ka tirsan Xoogga dalka iyo dhaawaca 4 kale.

Talisku wuxuu intaa ku daray in xaaladda hadda ay daggantahay saldhigga Goofgaduudna ay iminka gacanta ku hayaan Ciidamadii dowladda ee halkaasi daganaa.

LEAVE A REPLY

Please enter your comment!
Please enter your name here