Ciidanka Xoogga dalka oo Nabad diidka Alshabaab ka xoreeyey deegaano horleh oo ka tirsan Gobolka Jubbada hoose

1361

Ciidanka Xoogga dalka Soomaaliyeed, ayaa howlgalo qorsheysan oo ay ka fuliyeen deegaano ka tirsan Gobolada Jubbooyinka waxay ku guuleysteen Xoreeynta buundada Araare ee Jubbada Hoose.

Buundada Araare,  ayaa Nabadiidka Al-shabaab waxay u aheyd goob ay ku qaadaan lacagaha baada ah ee kooxda ay ka qaado Shacabka kala duwan ee isticmaalo halkaasi.

Taliyaha Ururka 58-aad ee Guutada  11-aad ee Ciidanka Xoogga Dalka, G/dhexe Cabdi IbraahimCali oo la hadlay Wakaaladda Wararka Qaranka Soomaaliyeed ee SONNA, ayaa sheegay in Argagixisada Alshabaab laga Xoreeyey Buundada Araare oo Saldhig muhiim ah u aheyd Cadowga.

Col. Cabdi ibraahim, ayaa Xaqiijiyey in Arxan laaweyaasha dagaalkaasi looga dilay inkabadan Todobo Maleeshiyaad ah, islamarkaana laga furtay Hub iyo Gaadiid Dagaal, isaggoo xusay in Sidoo kale Ciidanka Xoogga Dalka, ay nolosha ku qabteen labo Dagaalame oo ka tirsan Nabad diidka Alshabaab .

Buundada Araare  ee Gobolka Jubbada Hoose, ayaa 7KM waxay u jirtaa degmadda Jammaame,  waxayna Ciidanka Xoogga Dalka  sidoo kale u ruqaansadeen  Jamaame oo xarun u ah Cadowga Ummadda Soomaaliyeed ee Alshabaab.

Did you like this? Share it:

LEAVE A REPLY

Please enter your comment!
Please enter your name here