Ciidanka Xoogga dalka oo xaqiijiyay ammaanka Degmada Balcad “Dhageyso”

2545

Taliyaha qeybta 27aad ee ciidamada Xoogga Dalka Soomaaliyeed Jeneraal Maxamuud Maxamed Macalin (Koronto) ayaa shaaca ka qaaday in amniga Degamda Balcad ay tahay mid la isku haleyn karo oo ay si buuxdo gacanta ugu hayaan ciidamada.

Taliyaha oo u waramay Radio Muqdisho ayaa sheegay in ciidamada xoogga dalka oo u gurmanaya kolonyo ka tirsan ciidamada Nabad Ilaalinta Midowga Afrika ee AMISOM oo Xamar ku soo jeeday ay jidka u galeen maleeshiyaad ka tirsan Al-Shabaab, sidaasna ay ku bilaabatay dagaalkii saaka ka dhacay Balcad.

Taliyuhu waxa uu sheegay in ay jireenn xabado laga maqlayay gudaha magaalada balse markii dambe ay ciidamada ku guuleystaan inay ka sifeeyaan maleeshiyaadkii weerarka gaadmada ahaa ku soo qaaday guud ahaan Degmada Balcad ee Gobolka Shabeelaha Dhexe.

Jeneraal Maxamuud Maxamed Macalin (Koronto) ayaa waxba kama jiraan ku tilmaamay wararka sheegaya in maleeshiyada Al-Shabaab ay la wareegeen Degmada, waxaana uu intaa ku daray in ciidamadu ay xoojin doonaan howlgallada ka dhanka ah Al-Shabaab.

Halkan ka dhageyso wareysiga taliyaha 

 

 

Did you like this? Share it:

LEAVE A REPLY

Please enter your comment!
Please enter your name here