Ciidanka xoogga oo argagixisada Al-shabaab kala wareegay deegaanno hostada Xaradheere.

Ciidamada xoogga dalka iyo daraawiishta Galmudug ayaa saaka gaaray deegaanada Miliqo, Dabagalo,Cell Cabdi iyo kuwa kale kuwaasi oo hoostaga degmada Xaradheere ee gobolka Mudug.

Saraakiisha ciidanka hogaamineysa ayaa u sheegay Warbaahinta dowladda in ciidanku ku sii jeedo Xaradheere oo ay gacanta ku hayaan dagaalyahano ka tirsan argagixisada  Al-Shabaab.

Taliyaha Ciidanka Dhulka ee xoogga dalka Janrraal Biixi oo howlgalka horkacayo ayaa kormeeray xaafadaha degaannada ay Ciidamada kala wareegeen Al-Shabaab.

Ciidanka xoogga dalka iyo kuwa Daraawiishta Galmudug ayaa waxaa ay weli howlgallo kala Duwan ka wadaan deegaanno hoostaga degmada Xarardheere oo ay argagixisadu ku dhibaateeyaan shacabka.

Taliyaha Ciidanka dhulka ee xoogga dalka Generaal Maxamed tahliil Biixi ayaa maalin ka hor sheegay in Ciidanka xoogga dalka ay ka go’an tahay sidii argagixisada Al-Shabaab looga saari lahaa guud ahaan deegaannada iyo degmooyinka Gobolka Mudug.