Ciidanka Xoogga oo Howl-gal ka dhan ah Argagixisada ka fuliyay Jubbada Hoose

Ciidanka xoogga dalka gaar ahaan Ururka 5-aad ee guutada 16-aad ee Kumaandooska Danab ayaa howl-galo qorsheysan oo argagixisada Al-Shabaab looga sifeynayo ka sameeyay deegaanno ka tirsan Gobolka Jubbada Hoose

Deegaannada ay ciidamada howl-galada ka sameeyay waxaa ka mid ah Tuulooyinka kala ah Bura Xawalo,Kofi fareydhubow,Yaaq dabeel iyo Buulo Xaaji oo dhamaan kawada tirsan Gobolka Jubbada Hoose.

Deegaannada ayay argagixisadu ku dhibaateyn jireen shacabka Soomaaliyeed ee ku dhaqan waxaana ciidamadu ku guulesteen inay ka saaraan.

Ciidanka xoogga dalka ayaa guud ahaan dalka kawada howl-galo loogu xoreyna cadawga ummadda Soomaaliyeed ee argagixisada Al-shabaab waxaana howl-galadii ugu dambeeyay ay ku qaarajiyeen horjoogayaal iyo maleeshiyaad ka tirsan argagixisada iyagoo sidoo kale hub kasoo furtay.