Ciidanka Xoogga oo howl-gal ku dilay madaxi howl-galinta Al-Shabaab ee Shabeellaha Dhexe

Ciidanka xoogga dalka Soomaaliyeed ayaa weerar  ku dilay ku dhawaad 50 ka Tirsanaa maleyshiyaad ka tirsan Al-shabaab iyo madaxii howl-galinta nabadiidka ee Shabellaha dhaxe

Dagaalkaan  ayaa dhacay galinkii dambe ee shalay waxaana uu ka dhacay Tuuladda bululow ee hoostagta degmada afgooye.

Saraakiil ka tirsan ciidanka kumaandooska danab oo la hadlay idaacada codka Ciidamada qalabka sida ayaa sheegay in dagaal ka dhacay tuulada bululow lagu dilay In ka badan 50 maleyshiyaad ah iyo horjoogihii howl-galinta al-shabaab u Qaabilsanaa gobolka shabellada dhaxe.

Saraakiisha danab ayaa horjogaha la dilay waxa ay magaciisa ay ku sheegeen Cismaan Ciil Fiidow oo nabadiidka u qaabilsanaa howl-galinta

Ugu dambeynti saraakiisha kumaandooska waxa ay sheegeen in gaari deyno ah oo lagu daabulay meydadka maleyshiyaadka iyo horjogihii la dilay ay nabadiidka ku aaseen tuulada buulo yareey shiiqaal oo ka tirsan shabellada Dhaxe

LEAVE A REPLY

Please enter your comment!
Please enter your name here