Ciidanka xoogga oo jab xooggan gaarsiiyay Al-shabaab

Ciidamada xoogga dalka iyo kuwa Amisom ayaa jab xooggan gaarsiiyay maleeshiyaad ka tirsan argagixisada Al-shabaab oo isku dayay in ay weerar ku qaadaan deegaanka Halgan ee gobolka Hiiraan.

Guddoomiyaha deegaanka Halgan Maxamed Guhaad Cabdi oo la hadlay warbaahinta Qaranka ayaa sheegay in ciidamadu ay khasaare isugu jira dhimasho iyo dhaawac gaarsiiyeen maleehiyada naflacaariga ah ee Al-shabaab oo doonayay in ay weerar gaadmo ah ku qaadan deegaanka, si ay u wax yeeleeyaan dadka shacabka ah ee ku nool balse ciidamadu ay ka hortageen.

Guddoomiyaha deegaanka Halgan ee gobolka Hiiraan Maxamed Guhaad Cabdi ayaa sidoo kale sheegay in ciidamadu saaka ay wadaan  howlgalo lagu baacsanayo haraadiga argagixisada ku dhuumaaleysanayo qaar kamid ah deegaannada gobolka Hiiraan.

Guddoomiyaha ayaa sheegay in khasaaraha rasmiga ah ee gaaray argagixisada ay sheegi doonaan saacadaha soo socda maadaama hadda wali ay wadaan howlgallo lagu baacsanayo maleeshiyada Al-shabaab.

 

LEAVE A REPLY

Please enter your comment!
Please enter your name here