Ciidanka Xoogga oo khaarijiyay Horjoogeyaal iyo Maleeshiyaad ka tirsan Al-shabaab

Ciidanka xoogga dalka ayaa weerar culus ku qaaday maleeshiyaad ka tirsan Alshabaab  oo ku sugnaa tuulada Dug-wariiri oo hoostagta deegaanka Jannaale ee gobolka shabeellaha hoose, halkaas oo ay khasaare xoogan ku gaarsiiyeen kaddib markii argagaixisadu ay hoobiyayaal ku soo tureen deegaano ay ku sugnaayeen dad shacab ah oo hoostaga Jannaale.

Taliyaha ciidanka dhulka XDS Jeneraal Cabdixamiid Maxamed Dirir ayaa Idaacadda Ciidamadda Qalabka Sida usheegay in dagaalkaasi maleeshiyaadka Al-shabaab looga dilay 2-horjooge iyo 27- maleeshiyaad ah,  kuwaasi oo illaa iyo hadda meydadkoodu yaalaan  tuulada Dug-wariiri oo uu dagaalku ka dhacay.

Jeneraal Cabdixamiid ayaa tilmaamay in ciidanka xoogga dalka habeen iyo maalin uu u taaganyahay sidii dalka oo dhan looga sifeeynlahaa maleeshiyaadka argagixisada oo dhibaatooyiin ugu geysta shacabka Soomaaliyeed meelaha ay ku suganyihiin.

LEAVE A REPLY

Please enter your comment!
Please enter your name here