C/kariin Guuleed:-“Talaabo Adag ayaan Ka qaadeynaa Maleeshiyaadka Jidgooyooyinka Dhigta Deegaanno Ka Tirsan Galmudug”

 

Madaxweyanaha dowlad goboleedka Soomaaliyeed ee Galmudug C/kariim Xuseen Guuleed ayaa ka hadlay jigooyooyin maleeshiyaad ay dhigteen deegaanno ka tirsan maamulka Galmudug oo dadka cabasho ka muujiyeen misana dhibaato ay ku qabaan.

Mudane Guuleed ayaa sheegay in marnaba aan loo dulqaadan Karin in dadka lagu dhibaateeyo jidka islamarkaana ay la kulmaan jid gooyooyin lagu dhacaya hantida ay ku safrayaan, waxaana uu baaq u diray maleeshiyaadka ku howlan dhigashada isbaarooyinka in ay ka baaqsadaan oo ay ka waantoobaan.

Madaxweynaha Maamulka Galmudug C/kariim Xuseen Guuleed oo sii hadlay ayaa wacad ku maray in talaabo ay ka qaadayaan dadka shaqada ka dhigtay ficilada xun xun ee dhaca muwaadiniinta Soomaaliyeed, waxaana dhinaca kale uu ka codsaday bulshada ku dhaqan deegaanada maamulka Galmudug in ay ka shaqeeyaan xasiloonada iyo ka shaqeynata xoojinta dowladnimada oo ay qeyb ka tahay in si wada jir ay ula dagaalamaan dadka dhigta jidgooyooyinka.

Qaar ka mid ah dadka reer Galmudug ayaa horey u muujiyay cabasho ay ka qabaan jidgooyooyin ay dhigtaan maleeshiyaad kuwaasi oo dhac u geysta.

Hadalkani ayuu shalay ka sheegay kulan looga hadlayay sidii laysaga kaashan lahaa ka hortagga iyo la dagaalanka argagixisada al shabaab oo lagu qabtay magaalada Galkacyo, oo ay ka qeyb galeen mas’uuliyiin ka tirsan labada gole ee maamulka Galmudug. .

LEAVE A REPLY

Please enter your comment!
Please enter your name here