COVID-19 oo wajigii sedexaad lagu arkayo Soomaaliya

Maamulka Isbitaalka Martiini ayaa sheegay in 23 qof ay u geeriyootay cudurka COVID-19 laga soo bilaabo 18 bishii July ilaa maanta.

In ka badan 150 oo bukaan ayuu qaabilay Isbitaalka Martiini tan iyo markii la arkay wajiga Sedexaad ee cudurka, waxaana hada Isbitaalka jiifa 51 bukaan oo saacadba saacada ka dambaysa ay ku soo kordhayaan bukaano dheeraad ah,

Maamulka Isbitaalka ayaa sheegay in la joojiyay dhamaan qaabilaada bukaanada cudurada kale ee Isbitaalka la keeni jiray waxaana dib loogu celiyay la tacaalista bukaanada qaba cudurka COVID-19.

COVID 19 ayaa Soomaaliya lagu arkayaa wajigiisii sedexaad, ayadoo wasaaradda caafimaadka ay todobaadyadii u dambeyay bulshada Soomaaliyeed uga digeysay halista cudurka COVID-19.