Culimaa’udiinka beelo ku dagaalamay Galbeedka Gobolka Mudug oo ka qeyb qaadanaya dib u heshiisiin “SAWIRRO”

Xilli maalintii afaraad uu galay shirweynaha dib u heshiisiinta beelaha wada daga galbeedka Gobalka Mudug ayaa waxaa culumaa’udiinka ka soo jeeda deegaannada ay beelahaan colaaddu ku dhax martay waxa ay bogaadiyeen  dadaallada loogu jiro xal ka gaarista dagaalada mudooyinkii u dambeeyay ku soo noq noqanayay deegaannada u dhaxeeya dagmooyinka Gaalkacyo iyo Goldogob, iyagoo sheegay in ay hormuud u noqanayaan nabad waarta oo ka dhalata deegaannada dhaca galbeedka Gobalka Mudug.

Qaar ka mid ah culumaa’udiinkii oo ka hadlay shirka ayaa waxa ay sheegeen in laga wada shaqeeyo helitaanka amni iyo nabad galyo, taasna ay tahay mida luga liibaanayo aakhiro iyo adduun

Shirweynahaan oo ay ka qeyb galayeen intii uu socday qeybaha kala duwan ee bulshada ayaa lagu wadaa in la soo gaba gabeeyo maalinti berry, isla markaana laga soo saari doono qodabo sal u ah in deegaannadaasi aysan ka dhicin colaad dambe haddii Allaha awoodda leh uu ogalaado.

 

LEAVE A REPLY

Please enter your comment!
Please enter your name here