C/wali Gaas oo gaaray deegaanka Jariiban ee gobolka Mudug.

Madaxweynaha maamulka Puntland C/wali Maxamed Cali (Gaas) ayaa lagu soo waramayaa in goor dhow uu gaaray deegaanka Jariiban ee gobolka Mudug, halkaas oo kamid ah meelaha ciidamada Puntland ay kula dagaalameen Al-shabaab.

Madaxweyne Gaas ayaa u gaaray deegaankaasi si uu usoo kormeero xaalada deegaanadii lagu dagaalamay ee gobolka Mudug, waxaana Gaas Jariiban uu uga sii gudbi doonaa deegaanka Garacad oo ah meeshii ugu horeysay oo Al-shabaab ay gaaraan.

Deeganada kale ee uu doonayo gaas inuu gaaro waxaa looga taag roonaaday Al-shabaab, waxaana u jeedka ugu weyn ee madaxweyne gaas ay tahay inuu soo indho indheeyo xaalada meelihii lagu dagaalamay ee Al-shabaab laga saaray.

Puntland waxaa ay sheegtay in dagaaladii ay la galeen Al-shabaab ay ku dileen tiro badan oo kamid ah maleeshiyaadka Al-shabaab, iyada oo sidoo kale sheegtay in ay gacanta ku dhigtay maxaabiis badan oo kooxdaasi kamid ah.

LEAVE A REPLY

Please enter your comment!
Please enter your name here