Daalibaan oo shuruudo ku xirtay ka qeybgalka shirka Istanbul

Kooxda Daalibaan ayaa shuruudo adag ku xiray ka qeybgalka shirka ka dhicidoona magaalada Istanbul ee waddanka Turkey, sida ay warbaahinta u xaqiijiyeen sariikiil sare oo ka tirsan Daalibaan.

Shuduudaha ayaa waxaan ka mid ah: in muddada uu shirku soconayo aysan ka badnaan saddex maalmood, in ajandaha shirka aysan ku jirin go’aan ka gaarista arrimaha xaasaasiga ah iyo in wafdiga Daalibaan aysan ku jiri doonin hoggaanka sare ee ururkaas.

Shirkan oo ay si wadajir ah u martigalinayaan Qaramada Midoobay, Turkiga, iyo Qatar, ayaa markii ugu horeysay waxaa soo jeediyay Mareykanka bishii April, maalmo kadib markii Madaxweyne Joe Biden uu ku dhawaaqay in ciidamada shisheeye ay ka baxayaan Afgaanistan, ugu dambeyn bisha September ee sanadkan.

Madaxa wadaxaajoodka Daalibaan ee fadhigiisu yahay Qatar, Sheekh Cabdul Xakiim, iyo dhowr xubnood oo ka tirsan xafiiska Qatar ee Daalibaan ayaa u safray gobolka, si uu ula tashadaan madaxa kooxdan Sheikh iyo qaar kale oo ka mid ah xubnaha hoggaanka Daalibaan.

Cabdul Xakiim waxaa safarkiisa ku weheliyey Mullah Fazil, Mullah Shireen iyo Mullah Cabdul Manaan, oo kooxdan u qaabilsan wadaxaajoodka, waxayna sidoo kale dhammaantood xubno ka yihiin golaha hoggaamintan ururkan.

Ergayga Gaarka ah ee Mareykanka u qaabilsan arrimaha dib u heshiisiinta Afghanistan Salmaay Khaliilsaad ayaa wareysi uu dhawaan siiyay shabakadda wararka Jarmalka ee Der Spiegel, wuxuu ku xaqiijiyay in inta badan madaxda Daalibaan ay ku nool yihiin Pakistan, sidaa awgeedna ay soo jeediyeen hogaamiyaasha qaar in shirka halkaas lagu qabto.

LEAVE A REPLY

Please enter your comment!
Please enter your name here