Daawo Sawirrada: Agaasimaha SONNA oo lagu soo dhaweeyey Stockholm

0
4197

Agaasimaha wakaaladda wararka Soomaaliyeed ee SONNA C/raxmaan Yuusuf Sheekh “Al-Cadaala” ayaa munaasbad soo dhawayn ah loogu sameeyey magaalada Stockholm ee caasimadda Waddanka Sweden.

Munaasabadan oo ahayd casho sharaf ayaa xalay magaalada Stockholm waxaa ugu sameeyey Agaasime C/raxmaan Yuusuf “Al-Cadaala” Jaaliyadda Soomaaliyeed ee Stockholm.

Waxaana munaasabadan casho carafta ah ee lagu soo dhaweeyey xalay Agaasimaha wakaaladda wararka Soomaaliyeed ee SONNA oo ahayd mid ballaaran ka soo qeyb galay qeybaha kala duwan ee bulshada Soomaaliyeed ee ku dhaqan dalkaas, kuwaasoo isugu jiray Aqooyahanno, Abwaanno uu ka mid ahaa Abwaan Mustafe Sheekh Cilmi, Haween, Suxufiyiin rug cadaa ah oo uu ku jiray Tifaftirihii hore ee SONNA xilligii Dowladdii Kacaanka C/llaahi Muuse.

Tifaftirihii hore ee SONNA C/llaahi Muuse ayaa qudbad dheer oo qiimo leh oo uu halkaasi ka jeediyey waxa uu uga sheekeeyey qaabkii ay wakaaladda wararka Sonna u shaqeyn jirtay beri samaaadkii, isagoo boggaadiyey habka ay haatan u shaqeynayaan dhallinyarada gacanta ku haya wakaaladda.

Inta badan qudbadihii halkaasi laga jeediyey ayaa si weyn loogu soo dhaweeyey Agaasimaha, waxaana ay dadku u rajeeyeen in isbedel-ka uu la yimid horay u sii wado, heer sarena gaarsiiyo wakaaladda wararka Soomaaliyeed ee SONNA..

Ugu dambayntii Agaasimaha SONNA C/raxmaan Sheekh Yuusuf “Al-Cadaala” oo hadalka qaatay ayaa ka mahadceliyey soo dhawayntan qiimaha leh, waxa uuna dhanka kale ka hadlay wax qabadkii ay ku tallaabsadeen muddadii koobnayd oo uu joogay SONNA, isagoo sidoo kale soo hadal qaaday waxyaabo badan oo uu sheegay inay hiigsan doonaan.

DSC05523 DSC05525 DSC05529 DSC05530 DSC05532 DSC05533 DSC05535

Sawir qaade Maxamed  C/qaadir daahir (Ashraf)

Did you like this? Share it:

LEAVE A REPLY

Please enter your comment!
Please enter your name here