Daawo Sawirrada: Banaanbax looga soo horjeeday ciidamada shisheeye oo ka dhacay Bujumbura

1
4710

Xilli xubnaha Golaha Amaanka ee Qaramada Midoobey ay meelmariyeen qaraar boolis caalami ah loogu dirayo wadanka Burundi oo mudooyikan ay ka jireen dilal iyo xasarado siyaasadeed ayaa shacabka ku dhaqan Magaalada Bujumbura ee caasimada Burundi waxay isugu soo baxeen banaanbax ay uga soo horjeedan ciidamada dalkooda la geynayo.

Banaan-baxayaasha ayaa watay boorar ay ku qoran yihiin ereyo ka dhan ah dowlada Faransiiska, oo soo gudbisay qaraarka uu Golaha Ammaanku isku raacay kaasoo dhigaya in dalkaasi loo diro 228 askari oo boolis ah.

Dowlada Burundi ayaa horey uga hor timid in ciidan shisheeye ah la keeno dalkeeda, iyadoo ku andacootay ineysan jirin sabab ciidamo shisheeye loo geeyo dalkaas.

Beesha caalamka ayaa ka walaacsan inuu dalkaas dib ugu laabto dagaalo sokeeye oo ka dhacay toban sano ka hor ka dib markii ay xiisado siyaasadeed kala qaybiyeen bulshada dalkaasi taasoo ka dhalatay markii Madaxweyne Nkurunziza uu mar saddexaad sanadkii hore isu soo taagay doorashada madaxtinimada, iyadoo Dastuurka dalkaas uu qorayo in madaxaweynaha labo jeer ka badan uusan isku soo taagi Karin xilka madaxweynaha.

Dad ka badan 500 oo ruux ayaa lagu dilay rabshado siyaasadeed oo dalkaas ka dhacayey illaa bishuu Juun ee sanadkii hore.

Siyaasiyiinta mucaaradka ayaa sheegay in dadka isu soo baxay ay yihiin taageerayaasha dowlada, aysana metelin codka dadweynaha wadankaas.

burundi1 burundi2 burundi3 burundi4 burundi5 burundi6 burundi7 burundi8 burundi9

Did you like this? Share it:

1 COMMENT

LEAVE A REPLY

Please enter your comment!
Please enter your name here