Daawo Sawirrada: Farxadda ay ku ciideen gabdhaha agoonta Boondheere

0
7610

Gudoomiyaha degmada Boondheere mudane Qaasin C/llaahi, gudoomiyihii hore ee degmadaasi C/llaahi Xirsi Wardheere “Istakiin” ahna mudane ka tisan Baarlamanka maamul goboleedka Galmudug, araday ka tirsan Jaamacadda SIMAD iyo mas’uuliyiin kale ayaa maanta la ciiday gabdhaha agoonta ah ee ku jira xarunta xannaanada agoonta gabdhaha Boondheere.

Gabdhaha agoonta ah ee ku jira xarunta xannaanada Gabdhaha agoonta Boondheere ayaa maanta si farxad leh ku ciiday, iyagoo isugu soo baxay barxadda xarunta, halkaasina ku soo bandhigay ciyaaro iyo heeso waddani ah.

Maamulka xaruntaasi ayaa caruurta u qeybiyay macmacaan, isugu jiray xalwo iyo Buskut, waxaana loo qalay dhowr neef oo ari ah, sidoo kale waxaa loo qeybiyay lacago kaash ah.

Maamulaha xaruntaasi Marwo Nuurto Jaamac ayaa si gaar ah ugu mahadcelisay marwada koobaad ee madaxweynaha Qamar Cali Cumar oo ay sheegtay iney markasta taageero dhinacyo badan la garab taagantahay agoonta, si gaar ah waxey u xustay in macmacaanka caruurta loo qeybiyay ay bixisay marwo Qamar Cali Cumar.

Sidoo kale maamulaha xaruntaasi marwo Nuurto waxey u mahadcelisay ardayda jaamacadda SIMAD oo ay sheegtay iney bixiyeen xoolaha maanta loo qalay agoontaasi, iyadoo intaasi ku dartay iney taageero kala duwan u fidiyaan agoontaasi.

Guddoomiyaha degmada Boondheere mudane Qaasin Cabdulaahi ayaa sheegay in ka maamul ahaan ay mudnaanta koobaad siinayaan daryeelka agoontaasi, sidaasi darteedna uu maanta go’aansaday in farxadda ciidda uu la wadaago gabdhaha agoonta ah.

Dhinaca kale wuxuu u mahadceliyay maamulaha xaruntaasi marwo Nuurto iyo cid kasta oo caruurtaasi soo taageertay, isagoo ku dheeraaday ka hadalka ahmiyadda ay adduun iyo aakhiraba u leedahay daryeelka agoonta Soomaaliyeed.

Dhawaan ayeey aheyd markii madaxweynaha J. F. Soomaaliya mudane Xasan Sheekh Maxamuud uu xarigga ka jaray dhismo cusub oo dowladda Jabuuti ka hirgelisay xaruntaasi.

DSC06050 DSC06045 DSC06041 DSC06039 DSC06035 DSC06036 DSC06035 DSC06028 DSC06030 DSC06028 DSC06027 DSC06027 DSC06024 DSC06014

DSC06051

DSC06065

DSC06064

DSC06067

DSC06066

DSC06068

DSC06071

DSC06052

DSC06029

DSC06043

DSC06031

DSC06054

 

 

 

 

Did you like this? Share it:

LEAVE A REPLY

Please enter your comment!
Please enter your name here