Daawo Sawirrada Gabdhihii ay Boko Xaraam afduubatay Labo sano ka hor maanta oo kale

0
3575

Maanta waxaa laba sano laga joogaa markii dagaalyahannada Boko Xaraam 276 gabdhood ay ka afduubteen iskuul ku yaalla magaalada Chibok ee Waqooyi Bari Nigeria.

57 ka mid ah gabdhahaasi ayaa soo baxsaday, balse ilaa hadda waxaa la la’ yahay 219 kale.

Afduubka gabdhaha Chibok ayaa si weyn uga careysiiyay caalamka, in kasta oo cadaadis xooggan la saaray dowladda Nigeria, haddana lama yaqaano halka ay ku sugan yihiin gabdhahaasi.

Magaalada Chibok ayaa laba sano ka hor maanta oo kale waxa ay qabsatay cinwaannada warbaahinta caalamka.

dagaalyahannada Boko Xaraam ayaa galay iskuulka ay gabdhaha dhiganayeen, waxaana ay ku ka xaysteen gawaari, iyaga oo la aaday keymaha ka baxsan magaaladaasi.

Arrintaa ayaa noqotay mid aad uga careysiiysay caalamka oo dhan, dhalisayna olole baraha bulshada ka socday oo loogu magacdaray “soo celiya gabdhaheena”.

Dhacdadan ayaa waxa ay iftiimisay waxyaabaha arxandarada ah ee ay kooxdaasi ka geysaneysay Waqooyi Bari Nigeria.

Waalidiinta ay gabdhaha ka maqan yihiin ayaanan quusan, oo qaarkood ayaa sheegaya in xaaladkasta oo ay ku sugan yihiin ay jeclaan lahaayeen in gabdhahooda ay maalin un usoo gurya noqdaan.

Hay’adda u doodda xuquuqda aadanaha ee Amnesty International ayaa ugu baaqday Boko Xaraam in ay gabdhahaasi xoriyadooda siiyaan, isla markaana ay kooxdu joojiso weerarrada iyo dilalka ka dhanka ah dadka rayidka ah.

Warbaahinta Nigeria ayaa dhawaan sheegtay in Boko Xaraam ay dalbatay lacag madax furasha ah si ay usii dayaan gabdhaha iskuuleyda ah ee Chibok ee ay laba sano ka hor qafaasheen.

gabdhaha16 gabdhaha15 gabdhaha14 gabdhaha13 gabdhaha12 gabdhaha10 gabdhaha11 gabdhaha9 gabdhaha8 gabdhaha7 gabdhaha4 gabdhaha3 gabdhaha

Xigasho Sawirada CNN

Did you like this? Share it:

LEAVE A REPLY

Please enter your comment!
Please enter your name here