Daawo Sawirrada: Guddiga Doorashooyinka Hiiraan iyo Shabeellaha dhexe oo tababar u soo xiray odayaasha dhaqanka

0
4340

Guddig Hirgalinta Doorashooyinka Dadban ee Hiiraan iyo Shabeellaha Dhexe ayaa maanta soo gunaanaday tababar laba maalin qaatay oo loo qabtay odayaasha dhaqanka labada gobo lee ka tirsan liiska 135ta ah ee soo xulaya
xildhibaannada Aqalka Hoose ee Baarlamaanka Soomaaliya.

Tababarkan oo odayaasha dhaqanka ay ku soo qaateen duruus ku aaddan guud ahaan hannaanka doorashooyinka sanadkan 2016, iyo gaar ahaan kaalinta kaga aaddan odayaasha dhaqanka, Waxaana odayaasha loo qeybiyay foomam la xiriira ergada Xildhibaanka soo dooranaya.

Munaasabadda xiritaanka tababarka ayaa waxaa hadallo kala duwan ka jeediyay guddoomiyayaasha guddiyada doorashooyinka heer federal iyo heer dowlad goboleed Avv. Cumar M. Cabdulle (Cumar Dhagey)  iyo Zaki Cabdi Xaraare iyo waliba qaar ka mid ah odayaashii ka qeybgalay tababarka.

Guddoomiyaha Guddiga Heer Federaal ee Hirgalinta Doorashooyinka Dadban (GFHDD) Avv. Cumar Dhagey ayaa ka faallooday qodobadii lagu gorfeeyay tababarkii loo soo xiray odayaasha dhaqanka iyo waxyaabaha looga baahan
yahay inay ku dhaqaaqaan si looga dhabeeyo hirgalinta hannaanka doorashooyinka sanadkan.

Guddoomiye Cumar Dhagey ayaa sidoo kale u ballan qaaday odayaasha in guddiyada doorashooyinku si dhow ula shaqayn doonaan inta lagu guda jiro geeddi socodka doorashada si la isaga kaashado howlaha shaqo ee dhammaan
hor yaalla.

Guddoomiyaha Guddiga Heer Dowlad Goboleed ee Hirgalinta Doorashooyinka Dadban (GDGHDD) ee Hiiraan iyo Shabeellaha Dhexe Mudane Zaki Cabdi Xaraare oo soo gunaanaday munaasabaddii xeritaanka tababarka ayaa u mahad celiyay odayaasha dhaqanka labada gobol, GFHDD, iyo dhammaan howl wadeennada doorashooyinka.

Mudane Xaraare ayaa sidoo kale kula dardaarmay odayaasha inay dar dar galiyaan howlaha hor yaalla isla markaana wada tashi ballaaran la sameeyaan bulshada ay matalaan si guud ahaan shacabka labada gobol ay qeyb uga noqdaan hannaanka doorashooyinka sanadkan 2016.

20160831_235400 20160831_235417 20160831_235502 20160831_235530 20160901_000751 20160901_004213 - Copy

20160901_003625

 

Did you like this? Share it:

LEAVE A REPLY

Please enter your comment!
Please enter your name here