Daawo Sawirrada: Isbitaal qaabilsan Hooyada iyo Dhallaanka oo laga furay deegaanka Garas-bintoow+Sawirro

6173

Wasiir ku Xigeenka Wasaarada Caafimaadka Soomaaliya iyo Gudoomiyaha Gobolka Shabeelaha Dhexe ayaa si wada jir ah Xarigga uga jaray Xarun loogu Tala-galay in Adeegyada caafimaadka loogu qabto Hooyada iyo Dhalaanka ku nool Degmada Balcad  taas oo laga hirgaliyey degaanka Garas-Bintow.

Xafladii lagu furayey xarunta waxaa soo Qaban-qaabiyey Ururka Dhalinyarada Asal,  iyadoo ay ka qayb  galeen Xildhibaano katirsan baarlamaanka iyo Bulshada ku nool degaanka Garas-Bintow ayaa ugu horeyn waxaa la hadlay gudoomiyaha gobolka shabeelaha dhexe Mudane Cali Cabdulaahi Xuseen  Guud-laawe isaga oo u mahad celiyey  intii gacan ka gaysatay dhismaha Xaruntaan.

Xildhibaan  Cabdi Shire Ciyaar-Jecel iyo Xildhibaan Qaasim Cali Nuur ayaa sheegay in xarun Caafimaad ay aad ugu baahnaayeen shacabka  degan degmada balcad.

Malaaq Cali Malaaq Maxamed Wehliye  oo ku hadlayey Magaca Nabadoonada ayaa sheegay in bulshada ku nool gobolka shabeelaha dhexe ay ka liitaan Xarumaha Caafimaad iyo waxbarashada loogu talagalay.

Intii ay Munaasabada socotay ayaa xarunta xariga laga jarayey waxa ku dhashay wiil iyadoo loo bixiyey Caseer sida uu ku dhawaqay Wasiir ku Xigeenka Wasaarada Caafimaada Cismaan Maxamed Cabdi  “Daallo”

Munasabada inta ay socotay waxaa Shahaadooyin lagu Gudoonsiiyey Arday ka qalin jabisay iskuul markii ugu horaysay laga furay dhawaan degaanka Garas-Bintow.

Xaruntaan Caafimaad ayaa noqonaysa mid wax weyn u tarta shacabka degmada Balcad degan iyaga oo markii hore xaaladaha la xariira dhanka Caafimaadka u soo aadi jiray Magaalada Muqdisho.

IMG_0015-1 IMG_0029-1 IMG_0039-1 IMG_0043-1 IMG_0056 IMG_0194 IMG_0199 IMG_0259 IMG_0315 IMG_0336 IMG_0351 IMG_0363 IMG_0371 IMG_0395 IMG_0398 IMG_0407-1 IMG_0410 IMG_0417 IMG_0421-2 IMG_0431-2 IMG_0434-2

Did you like this? Share it:

LEAVE A REPLY

Please enter your comment!
Please enter your name here