Daawo Sawirrada: Mu’asasada Maka Almukarrama oo maanta furtay tartan aqooneed

3321

Munaasabad lagu maamuusayay furitaanka tartan aqooneedka dugsiyada sare ee mu’asasada Maka Almukarama ayaa maanta lagu qabtay magaalada Muqdisho.

Xafladdi furitaanka tartanka waxaa ka qeybgalay mas’uuliyiinta mu’asasada Makka Almukarama, madax ka socotay qaar ka mid ah jaamacadaha dalka, waalidiin, macalimiin iyo arday farabadan oo ka kala socotay lixda dugsi ee ka qeybgaleysa tartankaasi.

Mas’uuliyiinti ka hadashay munaasabaddaasi ayaa si isla mid ah u qiray in tayada aqoonta ee dugsiyada hoos yimaada mu’asasada Maka ay sii kordheyso, iyagoo qiray in arrintaasina la ogaaday kaddib markii ardaydii ka baxday dugsiyadaasi ay kaalimaha hore ka galeen jaamacadaha dalka iyo kuwo dibadda ah.

Maamulaha dugisiga Jaabir Axmed Maxamed Shuuriye oo halkaasi ka hadlay ayaa tilmaamay qiimaha uu tartankani u leeyahay sare u qaadida garaadka aqoonta ee ardayda, sidoo kale waxaa xafladaasi ka hadlay Ustaad Caraboow oo ka mid ah mas’uuliyiinta jaamacadda Capital oo ammaan iyo bogaadin usoo jeediyay maamulka iyo macalimiinta soo agaasintay tartan aqooneedkan.

Madaxa waxbarashada ee mu’sasada Maka Ustaad Sanka oo halkaasi ka halkaasi ka hadlay ayaa muujiyay ahmiyadda tartankan.

C/qaadir Maxamed Xasan oo ah gudoomiyaha tartanka oo isna halkaasi ka hadlay ayaa ku dhawaaqay in tartanku furmay maanta islamarkaana uu socondoono muddo  Afarbilood ah.

Tartankan oo ay ka qeybgalayaan arday ka socota lix dugsi sare oo hoos yimaada mu’asasada Maka,  ayaa ardayda ku guuleysta kaalinta koowaad waxay abaalmarin u helidoonaan lacag dhan Kun doolar, kaalinta labaadna, Lixboqol oo doolar halka kaalinta sadexaadna lagu abaalmarindoono Afarboqol oo doolar.

IMG_20170129_045617 IMG_20170129_045631 IMG_20170129_045720 IMG_20170129_045747 IMG_20170129_045757 IMG_20170129_045805 IMG_20170129_045819 IMG_20170129_045826 IMG_20170129_045839 IMG_20170129_045922 IMG_20170129_045934 IMG_20170129_045949 IMG_20170129_050119 IMG_20170129_050433 IMG_20170129_051009 IMG_20170129_051212 IMG_20170129_051229 IMG_20170129_053328 IMG_20170129_053348 IMG_20170129_053406 IMG_20170129_054012 IMG_20170129_055725 IMG_20170129_055730 IMG_20170129_055739 IMG_20170129_055811

Did you like this? Share it:

LEAVE A REPLY

Please enter your comment!
Please enter your name here