DAAWO SAWIRRADA: Xulka kubadda cagta Koonfur Galbeed oo guul ka gaaray dhigooda Hirshabelle

3713

Tartanka kubadda cagta ee u dhexeeya cayaartooy ka kala socota dowlad goboleedyada iyo Xulka Gobolka Benaadir oo maanta galay maalintii labaad ayaa waxaa kulan aad u xiiso badan ku dhex martay Garoonka Benaadir Stadium labada xul ee ka kala socota Koofur Galbeed iyo Hirshabelle.

Kulankii galabta waxaa daawashadeeda goob ka ahaa Wasiirka Dhallinyarada ee Xukuumadda Soomaaliya Khadiijo Maxamed Diiriye, Madaxweynaha Dowlad Goboleedka Koonfur Galbeed Mudane Shariif Xasan Sheekh Aadan iyo Madaxweynaha Hirshabeelle Mudane Maxamed Cabdi Waare iyo mas’uuliyiin kale.

Sidoo kale waxaa kulanka u soo daawasho tegay dadweyne ka kala socday 17-ka degmo ee gobplka Benaadir, kuwaasi oo kala taageerayay labada Xul.

Cayaartooyada labada dhinac ayaa muujiyay cayaar wanaag ay aad u jecleysteen dadkii u soo daawasho tegay kulankii galabta, waxaana qeybta hore ee cayaarta lagu kala nastay bar baro (goolal la’aan), balse qeybtii dambe ee cayaarta ayaa Xulka Koonfur Galbeed waxa ay la yimaadeen goolka guusha oo ay dhigooda Hirshabeelle uga badiyeen 1-0, sidaas ayayna kulankii galabta Xulka Koonfur Galbeed ku hanteen saddex dhibcood.

Tartanka cayaaraha kubada cagtga ee dowlad goboleedyada oo shalay si rasmi ah u furmay ayaa waxaa wada ciyaaray xulalka Benaadir iyo Jubbaland, kaasi oo ay ku soo idlaatay 2-1 oo ay guusha ku raacday xulka Benaadir.

Did you like this? Share it:

LEAVE A REPLY

Please enter your comment!
Please enter your name here