Daawo Sawirradda Xafiiska SONNA ee Baladweyne oo si rasmi ah loo furay

0
3363

Magaalada Baladweyne ee xarunta gobalka Hiiraan waxaa si rasmi ah looga furay Maanta xafiiska Wakaaladda Wararka Qaranka Soomaaliyeed ee SONNA.

Xafiiskaan ayaa noqonaya kii ugu horeeyay oo laga furo magaalada Baladweyne tan iyo markii ay meesha ka baxday dowladii dhexe ee Soomaaliya.

Xaflada Furitaanka Xafiiskaan cusub ayaa waxaa ka qaybgalay Guddoomiyaha Gobolka Hiiraan Yuusuf Axmed Hagar Yuusuf Dabageed , Agaasimaha guud ee Wasaaradda Warfaafinta Cabdirisaaq Yuusuf Cali Bahlaawi, Agaasimaha Wakaaladda SONNA Md.Cabdiraxmaan Yuusuf Alcadaala, Agaasimaha Radio Muqdisho Md.Axmed Faarax Siyaad Gaatamow  iyo Marti sharaf kale.

Agaasimaha Wakaaladda SONNA oo Xaflada furitanka ka hadlay ayaa sidan yiri “maanta farxad wayn ayay nootahay inaan dib u howlgalino xafiiskaan oo aanan shaqayn tan iyo burburkii ka dhacay Soomaaliya, waxaana socda qorshe balaaran oo lagu hormarinayo shaqada SONNA.” .

Agaasimaha wasaarada Warfaafinta dhaqanka iyo dalxiiska Cabdirisaaq Cali Yuusuf Bahlaawi ayaa isna dhankiisa sheegay in xafiiskaan uu yahay kii Sadaxaad oo SONNA ay ku yeelato Gobalada Dalka.

Gudoomiyaha Gobalka Hiiraan Yuusuf Axmed Hagar oo munaasabadda Fururintaanka Xafiiska Cusub ka hadlay ayaa sheegay in ay soo dhaweynayaan Xafiiskan SONNA lana shaqeen doonaan ka Maamul ahaan.

“Maamulka Gobalka Hiiraan hadaa nahay aad ayaan u soo dhawaynanaa qorshahaan lagu hormarinayo SONNA, iyo in sidoo kale halkaan laga furo xafiiska SONNA .”sidas waxaa yiri Gudoomiye Yuusuf Axmed Hagar

Dhawaan ayay ahayd markii dib loo howlgaliyay xafiisyada Wakaaladda SONNA ee magaalooyinka  Kismaayo iyo Baydhabo , waxaana socda qorshe Wakaaladdu ay xarumo ugu yeelanayso dhamaan gobalada dalka.

 

1 2 3 4 5 6 7 8 9 10 11

Did you like this? Share it:

LEAVE A REPLY

Please enter your comment!
Please enter your name here