“Daawo+ Sawirro” Wafdi ka socda Golaha Aqalka Sare oo Maanta Gaaray Magaalada Gaalkacyo

1606

Wafdi uu hugaaminaayo Guddoomiye ku xigeenka Golaha Aqalka Sare ee Dowladda Federaalka Soomaaliya Senetor Abshir Maxamed Axmed Abshir Bukhaari ayaa Maanta soo gaaray Magaalada Gaalkacyo ee Xaruunta Gobalka Mudug bartamaha Dalka.

Senetor Abshir Maxamed Axmed Abshir Bukhaari socdaalkiisa ayaa waxaa ku wehlinaayay senetoro kale oo ay ka mid ahaayeen Guddoomiyaha Dastuurka labada Aqal ee Baarlamaanka Jamhuuriyadda Soomaaliya Mudane Cabdi xasan Cawaale qeybdiid iyo Guddoomiyaha Guddiga Maaliyadda Golaha Aqalka Sare Seneter Cabdi Dhuxuloow dhag dheer.

Masuuliyiintaan ka tirsan Aqalka sare ee Dowladda dheexe ee Dalka deegaan doorashododuna ahayd ee Galmudug Maantana soo gaaray Caasimadda Gobalka Mudug ee Gaalkacyo ayaa Waxaa Garoonka Diyaaradaha OSHAAKA ku soo dhaweeyay Madaxweynaha Maamulka Galmudug Axmed Ducaale Geele Xaaf ,Guddoomiyaha Gobalka Mudug,Maayarka Gaalkacyo ee Galmudug,Saraakiisha Ciidmadda Xoogga Dalka Soomaaliyeed,Booliiska iyo qeybaha bulshada Gaalkacyo.

Xildhibaanadaan ka tirsan Golaha Aqalka sare ee Dalka ayaa kulamo la qaadan doona Madaxda Dowlad Goboleedka Galmudug oo ugu horeeyo Xaaf iyo qeybaha bulshada waxayna Galabta markii ay gaareen Gaalkacyo la kulmeen Saraakiishada Ciidanka Xoogga sida Danad iyo 21 aad oo ku sugan Magaalada Gaalkacyo ee Xaruunta Gobalka Mudug.

Magaalada Gaalkacyo ayaa Maalmihii ugu dambeeyay waxay marti galisay Madax kala duwan oo ku imaanaysay booqashooyin kala duwan oo la xariira Arrimaha Amniga iyo Horumarinta Gobalka.

 

Sawir Qaade Wariye Baashi Cali Xaashi

Did you like this? Share it:

LEAVE A REPLY

Please enter your comment!
Please enter your name here