“Daawo Sawirro”Maxaabiis Maanta lagu wareejiyay Galmudug soona gaaray Gaalkacyo”

Maamulka Soomaliland ayaa Maxaabiis Maanta ku wareejiyay Dowlad goboleedka Galmudug kuwaas oo ku xirnaa Xabsiyada Soomaliland.

19 ka mid ah dhalinyaro ka soo jeeda deeganada Galmudug horayna loogu eedeyay iney ka tirsan yihiin kooxaha burcad badeeda soomaliya ayaa maanta laga daayay xabsi ku yaalla Maaglada Hargeysa.

Madaxweyanaha Soomaliland Muuse Biixi Cabdi ayaa dhawaan u cafis u fidiyay dhalinyaradasi oo horay ugu xirnaa Shiishalis waxaana Saaka Munaasabad kooban oo lagu qabtay Garoonka Diyaaradaha Hargeysa  lagu soo wareejiyay odayaal iyo waxgarad Galmudug ka tirsan saakay tagay Hargeisa.

Diyaaradda soo qaaday Maxaabiistaan ayaa Magaalada Muqdisho ka kireeyay Madaxweynaha Galmudug Mudane Axmed Ducaale Xaaf waxayna Galinkii dambe ee Maanta kasoo Dageen Garoonka Oshaca ee Magaalada Gaalkacyo ee Xaruunta Gobolka Mudug masuuliyiin ka tirsan Maamulka Gobolka iyo kan Degmada Gaalkacyo ayaa kusoo dhaweeyay halkaasi waxayna kaga mahad celiyeen Maamulka Soomaliland sida Xushmadda leh ee ay ugu wareejiyeen.

Dhalintaan ayaa mudo ka dib la midoobaya qoysaskooda iyo dhamaan qaranka Soomaaliyeed Madaxweynaha talada kasii degaya ee Galmudug Axmed Ducaale Xaaf ayaa waqti ku bixiyay in dhalintaan helaan xoriyadooda dhanka kale Dowlada Federaalka Soomaaliya ayaa marar badan ku guulaysatay inay soo dayso dhalinyaro Soomaaliyeed ee ku xirnaa Wadamada Caalamka.

LEAVE A REPLY

Please enter your comment!
Please enter your name here