DAAWO: Wasiirka Warfaafinta oo xafiiskiisa ku qaabilay Wafdi ka socday hay’adda Qaxootiga Adduunka

Wasiirka Warfaafinta, Dhaqanka iyo Dalxiiska ee Xukuumadda Federaalka Soomaaliya mudane Maxamed Cabdi Xayir {Maareeye} oo uu wehliyo Agaasimaha Guud ee Wasaaradda ayaa xarunta Wasaaradda ku soo dhaweeyay wafdi sare oo ka socday Hay’adda Qaramada Midoobay u qaabilsan Qaxootiga adduunka ee marka magacooda la soo gaabiyo loo yaqaan UNHCR oo uu hogaaminayay Madaxa Hay’adda ee Soomaaliya Mr. Johann Siffointe oo ay wehliyaan Axmed Ceynte iyo Christophe Beau

Wasiir Maareeye iyo mas’uuliyiinta UNHCR ayaa waxa ay ka wada hadleen arrmimo ay ka mid yihiin sidii loo xoojin lahaa wada shaqaynta ka dhaxaysa hay’adda Qaxoontiga Aduunka iyo Wasaaradda Warfaafinta Soomaaliya iyo sidii dadka Soomaaliyeed ee Qaxoontiga ah iyo barakacayaasha ay u heli lahaayeen wacyigalin dhab ah.

“Waxaan u mahadcelinayaa sida telefishinka Qaranka ay noo soo dhaweeyeen, waxaan halkan u imid booqashada Istuudiyaha Telefishinka, waxaana aad ula dhacsanahay howsha halkan ka socoto, aniga iyo wafdiga ila socda waxaan la kumay Wasiirka Warfaafinta, dhaqanka iyo dalxiiska, kulankaasi oo ahaa mid aad u xiiso badan aad uga wada hadalnay xoojinta iyo wadashaqeynta Hay’adda iyo Wasaaradda Warfaafinta, si aan fariimaheena u marsiino Warbaahinta Qaranka ee ku saabsan dadka magangelyo doonka ah, si loo siiyo wacyigelin” Mr. Johann Siffointe.

Halkan ka daawo

LEAVE A REPLY

Please enter your comment!
Please enter your name here