Dab-damiska Dowladda Hoose ee Xamar oo ku howlan daminta Dab ka kacay Black sea

Waaxda Dab damiska ee dowlada Hoose ee Xamar ayaa ku howlan daminta dab ka kacay isgooyska Black Sea ee ku dhow suuqa Bakaaraha Magaalada Muqdisho.

Dabka ayaa ka bilowdey kaalin shidaal oo ku taalla halkaasi, isagoo markii dambena ku fiday goobo ganacsi, sida bakhaaro iyo dukaaman ganacsi oo u dhow kaalinta shidaalka.

Agaasimaha waaxda dab damiska ee gobalka Banaadir Cabdiqani Maxamed oo u waramey Warbaahinta Qaranka isagoo ku saugan goobta ayaa waxaa uu sheegey in ay ku howlan yihiin daminta dabka, isagoo intaasi ku darey in hadda xaalada dabka ay ka roon tahay sidii hore.

Agaasimaha ayaa intaasi ku darey in aysan jirin khasaaro dhimasha iyo dhaawac ah, balse uu jiro khasaare hantiyadeed oo soo gaarey dadkii halkaasi ku lahaa gooobaha ganacsi.

LEAVE A REPLY

Please enter your comment!
Please enter your name here