Guddoomiyaha gobolka Banaadir oo gaaray Suuqa uu dabka ka kacay xilli ay socdaan dadaalo lagu daminaayo

Wararka laga helaayo Suuqa weyne ee degmada wadajir oo ah halka uu dabka ka kacay ayaa sheegaya in goordhaw ay soo gaareen goobta suuqa weyne, xubno uu hogaaminaayo guddoomiyaha gobolka Banaadir ahna duqa Muqdisho iyo Saraakiil ka tirsan hay’adaha amniga dalka,

Waxaana dhinaca kale wali socda dadaaladii dabka lagu daminaayay, iyadoo ilaa hada gawaarida dab damiska ay ku howlan yihiin sidii dabka loo baqtin lahaa, waloow qayba ka mid ah lagu guuleystay in la damiyo, hadana waxa uu maamulka degmada oo aan la xiriirnay ay sheegeen in wali uu qayba ka mid ah suuqa dabka ka socdo, lana wado dadaaladii lagu daminaayay,

Waxa ay intaas ku dareen maamulka, in qasaare badan oo hantiyadeed ay jiraan, lakin waxa uu meesha ka saaray, in dad rayid ah ay wax ku noqdeen.

Guddoomiye ku xigeenka maamulka degmada wadajir Abuukar Shiekh Axmed ayaa dhinaca kale sheegay in sababta dabka sii horineyso in ay tahay goobta uu ka kacay oo ah, meesha Qandalada lagu iibiyo, halkaas oo ay yaaleen, Alwaaxda guryaha lagu dhiso, Jiingado, qalab kale oo dabka sii hurinaayay.

 

LEAVE A REPLY

Please enter your comment!
Please enter your name here