Markab Baarlamaanku kireeye ayaa Soo Qaadayo qaar ka mid ah Dadka Qaxootiga Ku Ah Dalka Yaman

1614

Waxaa meel wanaagsan maraya u gurmashada dadka Soomaaliyeed ee qaxootiga ku ah dalka Yemen, iyadoo dalkaasi uu ku xiranyahay markab Dowladda Soomaaliya ay u dirtay dadka oo heer gaba gaba ah rarida markabka.

in ka badan 900 oo qof ayaa markabka lagu soo raray oo dhawaan ka soo baxaya dalka Yemen kaasi oo dalkooda ku soo celin doono, waxaana guddi isugu jira Jaaliyadda Soomaaliyeed iyo Qunsuliyadda ay wadaan diiwaan galinta iyo tira koob ay ku sameynayaan qaxootiga ah.

C/raxmaan Baana oo ka mid ah jaaliyadda Soomaaliyeed ee dalka Yemen oo la hadlay Radio Muqdisho ayaa sheegay in ay ku howlanyihiin rarida markab Baarlamaanka Soomaaliya uu u diray Qaxootiga Yemen oo uu xusay in si wanaagsan arrintani ay u socoto islamarkaana uu kaga mahadcelinayo Dowladda Soomaaliya dadaalka ay ugu gurmaneyso dadkeeda.

C/raxmaan Baana ayaa sheegay dadka Soomaaliyeed ee ku sugan dalka Yemen in dhibaato weyn ay ku heysato dalkaasi islamarkaana saameyn culus ay ku yeesheen dagaalada ka socda, waxaana uu tilmaamay dadka uu soo qaadayo markabka in aan loo kala saareynin qaxooti waaye iyo qaxooti maaha muwaadin kasta uu markabka uu soo qaadayo.

 

Did you like this? Share it:

LEAVE A REPLY

Please enter your comment!
Please enter your name here