Dacwadda Xad-gudubka Kenya ee badda Soomaaliya oo Todobaadka dambe bilaabaneysa

0
1294

Kulan looga hadlayey  Xad-gudubka ay Kenya ku sameyneyso badda Soomaaliya oo ay isugu yimaadeen guddiyada  joogtada ah ee Barlamaanka, wasiirro iyo khubarro dhanka badda ayaa ka dhacay magaalada Muqdisho.

Kulankan ayaa waxaa shir guddoominayey  Afhayeenka Barlamaanka Federaalka Soomaaliya, mudane Maxamed Sheekh Cismaan “Jawaari” waxaa sidoo kale ku sugnaa wasiirro iyo dhammaan xubnaha guddiyada joogtada Barlamaanka, iyadoo diiradda dooddu ay aheyd sidii loo amba-qaadi lahaa  dacwadda Badda ee ay dowladda Soomaaliya u gudbisay maxkamadda dambiyada Caalamiga ah ee Huge,  taas oo ku aaddan in Kenya ay ka harto dhibaatada ay k heysto hadda  Soomaaliya.

Khubarrada kulan ka qeyb-galay ayaa sheegay in heerar kala duwan ay soo martay arrinta Muranka Badda ee u dhaxeeya Soomaaliya iyo Kenya, waxa ay sheegeen in xilligaan aysan ku habbooneyn in wada hadal lagala galo Kenya arrintaasi.

Xog-hayaha guud ee Barlamaanka Federaalka Soomaaliya, C/kariin Xaaji Cabdi “Buux” ayaa warbaahinta Qaranka u sheegay in maalinta Isniinta ee Todobaadka soo socda  maxkamadda Huge ka bilaabaneyso dacwadda la xiriirta Xadgudubka ay Kenya  ka waddo Badda Soomaaliya, isagoo intaa raaciyey in la go’aamiyey in wax wada hadal  ah aan lagala galin Kenya Muranka hadda.

 

Did you like this? Share it:

LEAVE A REPLY

Please enter your comment!
Please enter your name here