Dad ku geeriyooday Shil gaari oo ka dhacay gobalka Nugaal

Shilka Gaari oo ay dad ku dhinteen ayaa  xalay  ka dhacay inta uu dhaxaysa Garoowe iyo Dangoroyo ee gobolka Nugaal, shilkaas oo uu ka dhashay khasaaro isugu jira dhimasho iyo burbur hantiyadeed.

Shilka ayaa waxaa uu yimid kadib markii ay isku dhaceen labo gaari oo kala ah nooca xamuulka qaada iyo gaari nooca raaxada ah xill ay marayeen tuulada Libaaxo ee gobolka Nugaal.

Dad Goobjoogayaal ah ayaa sheegay in shilka ay ku dhinteen Nuur Jaamac Aadan oo ahaa Weriye Caan ka ahaa degaannada Puntland , hooyadiis iyo walaashiis, kuwaa oo dhamaantood wada saarnaa hal gaari.

Ciidamo ka tirsan maamulka  Puntland iyo dadka degaanka ayaa gurmad ay sameeyeen kadib waxay goobta ka qaadeen meydadka Saddexda Ruux, kuwaas  oo meydadka geeyay Magaalada Garoowe ee Xarunta Gobolka Nugaal.

Shilalka gaadiidka kala duwan ayaa mmalmihii la soo dhaafay ku badnaa degaannada  Puntland, kuwaa oo loo sababeeyay burburka waddooyinka iyo darawalada qaar oo si xowli ah u wada Gawaarida.

LEAVE A REPLY

Please enter your comment!
Please enter your name here