Dad loo qabtay weerarkii lagu qaaday guriga Xildhibaan Dhaayow

0
1952

Wasaaradda Amniga gudaha ee xukuuamdda Soomaaliya ayaa sheegtay in la qabtay dad looga shakisan yahay weerarkii habeen hore lagu qaaday guri uu magaalada Muqdisho uu ka deganaa Xildhibaan ka tirsan baarlamaanka federaalka oo lagu magacaabo Malaaq Aadan Ibraahim Dhaayow.

Afhayeenka Wasaaradda Amniga, C/kaamil Macalin Shukr,i ayaa sheegay in hal ruux oo aad looga shakisan yahay loo soo qabtay weerarkaas, isla markaana uu ku socdo baaritaan, sidoo kalena ay jiraan dad kale oo la baadigoobayo.

Waxaa uu sheegay in kooxihii weeraray guriga xildhibaanka ay wateen mooto bajaaj, kuna baxsadeen markii ay bambaano ay ku tuureen guriga, waxaana dhaawac ka soo gaaray afar ka mid ah ilaalada Xildhibaanka.

Dhinka kale laamaha ammaanka dowladda ayaa howl galadii ugu dambeeyay ee ay ka sameeyeen xaafado ka tirsan Muqdisho ku soo qabtay qof dhaawac ahaa oo lagu tuhunsan yahay inuu ka tirsan yahay Al-Shabaab.

Did you like this? Share it:

LEAVE A REPLY

Please enter your comment!
Please enter your name here