Dadkii ku dhaawacmay weerarkii xalay oo lagu dabiibayo isbitaal Madiina

22 qof oo isugu jira rag iyo dumar, isla markaana qaba dhaawacyo fudud iyo kuwa culus ayaa la geeyay isbitaalka Madiina ee magaalada Muqdisho, kuwaasi oo waxyeelo ay ka soo gaartay weerarkii argagixisonimo ay xalay ka geysteen talaada SYL maleeshiyaadka Al-Shabaab.

Dadka ku dhaawacmay weerarka waxaa ka mid ah ahaa Cabdullaahi Mahad Ciise oo ah wiil shan sano jir ah, isgaa iyo labo gabdhood oo habaryartiis ah oo mid ku dhimatay, halka gabadhii kale ay ku dhaawacantay ay waxyeelo ka soo gaartay qaraxa, iyaga oo marayay wadada uu falkaasi ka dhacay.

Duniyo Maxamed Cali oo ah madaxa caafimaadka ee Isbitaalka Madiina ayaa tilmaamay in dhaawacyada qaar ay xaaladooda caafimaad ay iminka soo hagaageyso, halka ay jiraan kuwa kale oo aad u liita una baahan in gurmad caafimaad oo dibadda ah loo qaado.

Qaar ka mid ah ehelada dadkii ku dhaawacmay weerarkii xalay ayaa ka codsaday dowladda iyo hay’adaha kale in kaalmo caafimaad oo dibadda ah loo fidiyo.

 

 

LEAVE A REPLY

Please enter your comment!
Please enter your name here