Dagaal u dhaxeeya Maleeshiyaadka Nabad iyo Nolal diidka ah ee Al-shabaab iyo dad shacab ah oo dhacay Gobolka Hiiraan

0
764

Wararka ka imaanaya Gobolka Hiiraan ayaa sheegay in dagaal sababay khasaare dhimasho iyo dhaawac jira uu ka dhacay deegaano ka tirsan Gobolkaasi,kaasi oo u dhexeeyay Maleeshiyad Nabad iyo Nolal diidka ah ee Alshabaab iyo dadka deegaanka.

Dagaalkaan ayaa ka dhacay Deegaanka Buqa-qable   oo ka mid ah deegaanada Gobolka Hiiraan kana mid ah Deegaanada Maleeshiyaadka Nabad diidka ah ee Al shabaab ku hayaan dhibaatooyinka Xooggan” inta la xaqiijiyay Dagaalka waxaa ku dhintay labo Ruux oo ah dhinacyadii dagaalamay.

Wariyaha Warbaahinta Qaranka Ibraahim Maxamed Geedi oo ku sugan magaalada Baladweyne ayaa sheegay in isku dhacaasi uu ka dambeeyey kadib markii dadka reer mi’yiga ah ay ka biyo diideen codsi uga yimid Maleeshiyada Al shabaab ee ahaa in ay bixiyaan xoolo iyo dhalinyaro ay si qasab ah ku dagaal geliyaan.

Deegaanka Buqa-qable ayaa Qiyaastii  ahaantii wuxuu 90 KM dhanka Galbeed kaga beeganyahay magaalada Baladweyne ee xarunta Gobolka Hiiraan.

Maleeshiyaadka Nabad iyo Nolal diidka ah ee Al shabaab iyo dadka deegaanka ayaa dhawaan dagaal khasaare dhaliyay ku dhexmarey deegaanno dhanka Galbeed kaga began magaalada Baladweyne kadib markii ay gubeen gaadiid ku rarnayd badeeco ganacsi,taasi oo ay dadka ka soo horjeesteen.

Shacabka Soomaaliyeed meel kastoo ay joogaan ayaa ku baraarugay Dhibaatooyinka Guracan ee ay ku hayaan Dalka iyo dadka Soomaaliyeed.

Did you like this? Share it:

LEAVE A REPLY

Please enter your comment!
Please enter your name here