Dalka Uzbekistan oo looga dhawaaqay baroor diiq loo sameeynayo geerida madaxweyne Islam Karimov

2166

Dalka Uzbekistan ayaa looga dhawaaqay sadex maalmood oo baroordiiq ah kaddib markii uu shalay geeriyooday Madaxweynaha dalkaasi Islam Karimov oo ahaa 78 sano jir.

Islaam  Karimov ayaa dalka Uzbekistan xukumayay  muddo 25 sano ah, waxaana geeridiisa ku dhowaaqday gabar uu dhalay Lola Tilliyaeva iyadoo ku sheegtay boggeeda Instagram in uu geeriyooday aabaheed.

Dowlada iyo Baarlamaanka dalka Uzbekistan ayaa sidoo kale xaqiijiyay geerida madaxweynaha  waxaana ay sheegeen in maanta lagu aasi doono magaaladii uu ku dhashay ee Samarkand .

Wadanka Uzbekistan ayaa ka mid ahaa dalalkii ka go’ay jamhuuriyadii Midowga Soofiyeeti sanadkii 1991kii waxana uu dalkan xuduud la leeyahay wadanka Afhganistan.

Dalka Uzbekistan ayaa looga dhawaaqay Sadex maalmood oo baroordiiq loo sameeynayo madexweynihii dalkaasi Islaam  Karimov,  Lamana oga cidda bedeli doonta Karimov isagoo markii shanaad loo doortay sanadkii hore inuu hogaamiyo dalkiisa illaa iyo sanadka 2020ka kadib markii uu helay inkabadan boqolkiiba sagaashan doorashada.

Karimov ayaa yaraantisii ku soo barbaaray agoonimo waxana uu ku dhashay magaalada qadiimiga ah ee Samarkand isagoo bartay cilmiga dhaqaalaha iyo farsamada injineeriyada. kaddibna waxa uu ku biiray xisbiga shuuciga

Did you like this? Share it:

LEAVE A REPLY

Please enter your comment!
Please enter your name here