Danjiraha Soomaaliya ee Mareykanka oo ka hadlay xaaladda dhallinyaro ku xiran dalkaasi “Dhageyso”

0
3153

Dajiraha Soomaaliya dalka Mareykanka, Axmed Ciise Cawad ayaa ka hadlay xaaladda dhallinyaro Soomaaliyeed oo ku xiran dalkaasi Mareykanka islamarkaana la sheegay in dib looga celinayo dalkaasi.

Dhalinyaradan oo gaaraya ilaa iyo 40 ruux ayaa Mareykanka ku galay si tahriib ah, hase yeeshee wax aqbalaad ah kama aysan helin dowlada Mareykanka, sidaasi daraadeed waxaa loo sheegay in la celinayo iyadoo lala kaashanayo safaaradda Soomaaliya ee Washington.

Mid ka mid ah dhalinyarada oo la hadlay VOA ayaa ka dalbaday  safaarada Soomaaliya in ay gacan ka geysato sidii ay dowladda mareykanka ugu qancin laheyd inaan dib loo celin dhalinyaradaasi.

Danjire Axmed Cawad oo isna la hadlay VOA laanteeda Af-Soomaaliga ayaa sheegay in Dowlada Mareykanka ay kala hadashay dhalinyarada oo uu ku tilmaamay 20 ruux isla markaana ay waayeen sharciga magangalyada Mareykanka.

Danjiraha  ayaa rajo xumo ka muujiyey xaaladda dhalinyaradaasi, isagoo intaasi ku daray in uu qorsheynayo in dhawaan uu xabsiga magaalada Miami ee gobolka Florida ku booqan doono dhalinyaradaase kaddib marki ay saraakiisha amniga gudaha Mareykanka ay arrintaasi ka ogolaato.

 

Did you like this? Share it:

LEAVE A REPLY

Please enter your comment!
Please enter your name here