Danjiraha Soomaaliya u fadhiya Shiinaha oo saxiixay hishiis Talaalka covid-19  lagu keenayo dalka

Danjire Cawaale Cali Kulane, oo ah Safiirka jamhuuriyadda Federaalka Soomaaliya u fadhiya dalka Shiinaha,  ayaa la saxiixday hishiis talaalka looga hortago cudurka COVID-19  shirkadda Sinopharm ee dalka Shiinaha.

Talaalkan looga  hortagayo Karoonaha  ayaa waxa uu gaaraya 200 kun oo talaal oo dhawaan la gayn doono dalkeena Soomaaliya

Danjire Cawaale Cali Kulane ayaa sheegay in uu aad ugu faraxsanyahay in talaalkan ay dowladda aan saaxiibada nahay ee Shiinaha ay dalkeena ugu deeqday.

Safiirka ayaa uga mahadnaqay dowladda shiinaha sida hagar la’aanta ah ee ay u garab taagan yihiin shacabka iyo dowladda Soomaaliya, isagoo si gaarana uga mahadceliyay talaalka ay Soomaaliya ugu deqeen.

LEAVE A REPLY

Please enter your comment!
Please enter your name here