Danjire Jamaal Barrow oo ka qeybgalay xaflad abaalmarino lagu guddoonsiinayay arady dhameysatay barashada Qur’aanka Kariimka

813

Munaasabadaan oo aheyd mid shahaadooyin lagu siinayay caruur dhameystay barashada quraanka kariimka ah ee wax ka bartay madrasada Abuubakar Sadiq ee ku taala magaalada Johannesburg ayaa waxaa kasoo qeybgalay Safiirka Dowladda Soomaaliya u fadhiya dalka Koonfur Afrika Ambassador Jamaal Maxamed Barrow,qeybsanaha Arimaha diinta iyo Awqaafta Safaarada Sheikh Shariif Xamsa iyo Marti sharaf kala duwan.

Caruurta dhameysay qur’aanka kariimka ayaa halkaasi kusoo bandhigay waxyaabaha ay ka barteen madrasada Abuukar Sadiq taa oo ay aad ula dhaceen bulshada qeybaheeda kala duwan ee ka qeybgalay munaasabadani.

Guddoomiyaha Majmaca Culimada Soomaaliyeed ee dalkaan Koonfur Afrika Sheekh Cabdixakiim Ismaaciil ayaa ugu baaqay bulshada Soomaaliyeed in ay isku kaashadaan sidii dhalaanka yaryar loogu barbaarin laha diinta islaamka iyo dhaqanka Soomaaliyeed.

U qeybsanaha Arrimaha diinta iyo awqaafta safaarada Soomaaliya Sheikh shariif Xamsa ayaa shahaadooyin gudoonsiiyay caruuurta dhameystay barashada quraanka kariimka.

Dhanka kale xafiiska diinta iyo awqaafta safaarada Soomaaliya ee dalkaa Koonfur Afrika ayaa deeq isugu jirta lacago iyo hadiyado kale gudoonsiiyay caruur gaareysa 90 ruux  oo agoomo ah kuwaa oo u badan Somaali aabayaashood lagu dilay dalkaan Koonfur Afrika.

Si ay qeyb uga noqdaan caruurta isku diyaarineysa farxada iyo dabaaldaga maalinta ciida ayaa xafiiska waxaa uu xil iska saaray in caruurta agoomaha ay qeyb ka noqdaan diyaar garowka loogu jiro maalinta ciida sida uu sheegay Sheikh Shariif Xamsa oo  ah u qeybsanaha Arimaha diinta iyo awqaafta safaarada.

Safiirka dowladda Soomaaliya u fadhiya dalkaan Koonfur Afrika Danjire Jamaal Maxamed Barrow ayaa sheegay in loo baahan yahay caruurta la baray quraanka loogu daro,farsamooyinka kale iyo xirfadaha gacanta.

W/D Cabdulaahi Maxamuud Amiin (C/laahi Qorshe)

Johannesburg-Koonfur Afrika.

Did you like this? Share it:

LEAVE A REPLY

Please enter your comment!
Please enter your name here