Danjire Jamaal Maxamed Xasan oo ka qeybgalay shirka horumarinta xaafadda Islii+Sawirro

Danjiraha Soomaaliya u fadhiya dalka Kenya Jamal Maxamd Xasan ayaa ka qeyb galay Shirka 2-aad ee horumarinta ganacsiga Xaafada Islii oo lagu qabtay Magalada Nairobi.
 
Shirka oo ahaa kii 2 aad oo looga hadlayay horumaringa ganacsiga Soomaaliyeed ee xaafada islii ayaa waxaa ka qeyb galay danjiraha Soomaaliye ee dalka Kenya Ambasador Jamal Maxamed Xasan gudiga gacsatada Xaafada islii iyo Xubno ka socday qaar ka mid ah  bangiyada iyo shirkadaha ganacsi ee Kenya oo ayagu halkaasi kusoo bandhigay horumarka iyo waxqabadka ganacsagtada Soomaaliyeed ee xaafada islii.
 
Gudoomiyaha gudiga ganacsiga xaafada islii Ibraahim Xuseen oo ka mid ahaa mas’uliyiintii shirka ka hadlay ayaa waxa uu ka warbixiyay horumarka ay ganacsatada Soomaaliyeed ka sameeyeen Kenya sanadkan dabayaaqada ah ee 2016 isagona tilmaamay inay qeyb weyn ka qaateen horumarka dhanka dhaqalaha ee dalkani Kenya.
 
“Waa inan sii balarinaa ganacsigeena oo aan bilownaa waxyaabo cusub isla markaana aan ka qeyb qaadanaa dhismaha goobaha danta guud ee isbitalada iyo iskuulada,xaafadan adinkaa iska leh waa inan horumarkeeda ka wada shaqeynaa” ayuu yiri Ibraahim Xuseen
 
Danjiraha Soomaaliya ee dalkani Kenya Jamaal Maxamed Xasan oo gaba gabdii bandhiga halkaasi ka jeediyay hadal kooban oo uu ku bogaadinayay ganacsatada Soomaaliyeed ee Kenya horumarka ay ka gaareen dhanka ganacsiga ayaa waxa uu ugu baaqay inay sii balaariyaan oo ay gaarsiiyaan magaalooyinka kale ee Kenya isagoona ka dhawaajiyay in safaarada ay diiwan gelisay ku dhawaad 120 ka mid ah shirkadaha Soomaaliyeed ee ka howlgala Kenya.
 
“waxan ku dhiiri gelinayaa ummadda Soomaaliyeed ee ku dhaqan xaafada Islii inaad ganacsigiina aad sii balaarisaan oo aad gaarsiisaan magaalooyinka kale ee dalka, waxana muhiim ah inaad ka fakartaan sidii aad u sameyn laheydeen ganacsi kan ka balaaran,awoodeeda waad leedihiin,dhaqaalana waad u heysaan, anagu safaarad ahaan aad baan idin soo dhaweynaynaa,115 shirkado ganacso oo Soomaali ah ayaan diiwaan gelinay oo ayagu raba inay melo badan ganacsi ka sameystan anaguna wan caawinaynaa”  sidaasi waxaa yiri Danjire Jamaal Maxamed Xasan.
IMG_9871 IMG_9885 IMG_9901 IMG_9903 IMG_9907 IMG_9986
Cabdulqadir Cali Xuseen”Koronto”
Did you like this? Share it:

LEAVE A REPLY

Please enter your comment!
Please enter your name here