Dawladaha Masar, Suudaan iyo Itoobiya  oo wadahal ugu furmay Koongo

Maanta oo Axad, wada hadalo ayaa ka bilaaban doona Jamhuuriyadda Dimuqraadiga ah ee Koongo, oo ku saabsan arrimaha Wabiga Niil, ee u dhexeeya wadamadda Masar, Suudaan iyo Itoobiya iyo mashruuca Biyo xireenka Itoobiya ay waddo,  shirka ayaa waxaa uu socondoona muddo saddex maalmood ah, iyadoo la isku dayayo in arrinkan  loo maro dariiqa cusub, meeshana laga saarowax kasta oo keeni karo gorgortan.

Wasiirka waraabka Itoobiya ayaa dhawaan ku dhawaaqay in dalkiisu uu wado dadaal laba jibaar ah oo lagu soo saarayo tamarta dalkiisa, iyada oo la adeegsanaayo Biyo xireenka ayna u diyaar garoobayaan wajiga xiga ee mashruucan.

Maalintii Shalay waxaa dhacay Shir ay soo qabanqaabiyeen Midowga Afrika, kaa oo looga gogol xaaraya kulanka wasiirada arrimaha dibadda iyo waraabka ee sedaxdan dal oo loo qorsheeyay in maanta ay ka dhacaan Koongo, si heshiis looga gaaro arrimaha Wabiga Niil iyo dhismaha Biyo xireenka.

Bayaan ka soo baxay Wasaaradda arrimaha dibedda Masar ayaa lagu muujiyay  miro dhalka wada-xaajoodka, kuwaa oo ugu danbeeyn horseedi doona heshiis sharci ah oo laga gaaro buuxinta kaydka Biyo xireenka Itoobiya.

Madaxweynaha Masar, Cabdifitaax  Al Siisi, ayaa ku hanjabay intii uu ku guda jiray kormeerkii Marinka Suweys, in qofna uusan awood u yeelan doonin inuu dhibic Biyo ah ka qaato Masar, isaga oo intaas ku daray in dhankooda ay diyaar u yahiin wadahadalo kasta oo lagu xalinaayo muranka ka dhashay dhismaha Biyo xireenkan Niil.

LEAVE A REPLY

Please enter your comment!
Please enter your name here