Dawo Sawirrada: Furitaanka xarunta gabdhaha agoonta Boondheere ee sanad dugsiyeedka 2016/17

0
3472

Xaflad lagu maamuusayay furitaanka xarunta agoonta gabdhaha Boondheere ee sanad dugsiyeedka 2016/17, iyo sanadguuradii Afaraad ee ka soo wareegtay aas aaskii xaruntaasi ayaa maanta lagu qabtay dhismaha cusub ee xaruntaasi ku leedahay magaalada Muqdisho.

Munaasabaddaasi oo si qurux badan loo soo agaasimay waxaa ka qeybgalay gudoomiyaha degmada Boondheere, mas’uuliyiin ka tirsan bahda waxbarashada, waaliddiin iyo marti sharaf kala duwan.

Ubaxa xarunta agoonta gabdhaha Boondheere ayaa halkaasi ku soo bandhigay Riwaayad iyo heeso ka hadlaya qiimaha waxbarashada iyo waddaniyadda, taasoo ay si weyn ugu riyaaqeen dadkii ka qeybgalay xafladaasi.

Maamulaha xarunta agoonta gabdhaha Boondheere Marwo Nuurto Maxamed Caddoow oo halkaasi ka hadashay ayaa sheegtay in xafladan ay tahay furitaanka sanad dugsiyeedka 2016/17 iyo xuska sanadguuradii afaraad ee ka soo wareegtay aas aaskii xaruntaasi.

Marwo Nuurto ayaa si kooban uga hadashay marxaladihii kala duwanaa ee ay soo martay xaruntaasi,  laga soo billaabo aas aaskeedi ilaa iyo hadda, waxeyna ku ammaantay waalidiinta iyo maamulka degmada Boondheere wada shaqenta wanaagsan oo ay muujiyeen.

Gudoomiyaha degmada Boondheere Qaasin C/llaahi ayaa si weyn ugu ammaanay maamulaha xaruntaasi marwo Nuurto Maxamed Caddoow sida ay ugu dhabar adeeygtay daryeelka iyo waxbaraddi gabdhaha agoonta ah ee ku jira xaruntaasi, isagoo xusay in degmada Boondheere ay noqotay degmada kaliye oo leh xarun lagu xanaaneeyo gabdhaha agoonta ah.

Ugu dambeynti gudoomiyaha Boondheere iyo maamulaha xaruntaasi ayaa si wadajir ah abaalmarino u gudoonsiiyay gabdho ku guuleeystay xifdinta qur’aanka kariimka ah iyo kuwo kaalimaha hore ka galay maaddooyinka kale iyo akhlaaq wanaagga.

IMG_3805 IMG_3811 IMG_3813 IMG_3815 IMG_3808 IMG_3853 IMG_3856 IMG_3844 IMG_3835 IMG_3842 IMG_3861 IMG_3863 IMG_3876 IMG_3882 IMG_3886 IMG_3892 IMG_3891 IMG_3846 IMG_3893 IMG_3873 IMG_3826 IMG_3828 IMG_3829

 

 

 

 

Did you like this? Share it:

LEAVE A REPLY

Please enter your comment!
Please enter your name here