Deegaanka Caad oo qasaare nafeed loogu geystay maleeshiyaadka Al-Shabaab

Wararka ka imaanaya deegaanka Caad ee gobolka Mudug ayaa sheegaya in halkaasi uu dagaal ku dhexmaray maleeshiyaad ka tirsan Al-Shabaab iy dadka deegaanka, kadib markii maleeshiyada ay isku dayeen inay xoolo baad ah ka qaadaan.

Deegaanka Caad oo dhanka oo dhanka koofur kaga beegan magaalada Gaalkacyo qiyaastii 230 km, halka degmada Xarardheere ay dhanka waqoyi ka xigto 40 km ayaa wararka aynku ka heleyno waxa ay sheegayaan in dadka deegaanka ay iska caabiyeen duulaan ay ku soo qaadeen maleeshiyaadka Al-Shabaab, kaasi oo ay ku doonayeen xoolo ay ku sheegeen sako.

Dadka deegaanka ayaa kala eryay kooxihii Shabaabka ee weerarka ku soo qaaday, iyagoo dilay tiro ka maleeshiyaadka Al-shabaab ka tirsan.

Wariyaha Warbaahinta Qaranka ee Gobolka Mudug Cabdirisaaq Maxamed Axmed ayaa ku soo waramaya in xaaladda deegaanka Caad ay iminka degantahay oo dadka deegaanka ay iska eryeen maleeshiyaadka Al-Shabaab, isagoo intaa ku daray in dadka deegaanku ay maamulka Galmudug ka codsadeen in gacan lagu siiyo la dagaallanka Al-Shabaab.

 

 

LEAVE A REPLY

Please enter your comment!
Please enter your name here